छत्रपती संभाजीनगर,(सांजवार्ता ब्युरो): भारतरत्न डॉ. बाबासाहेब आंबेडकर यांच्या महापरिनिर्वाण दिन निमित्त होणारी प्रवाशांची गर्दी  लक्षात घेवून नांदेड रेल्वे विभागातून मुंबई ला जाण्याकरिता आदिलाबाद ते दादर ही विशेष रेल्वे चालविण्यात येणार आहे. ही रेल्वे हुजूर साहिब नांदेड, पूर्णा, परभणी, जालना, छत्रपती संभाजीनगरमार्गे धावेल.

रेल्वे क्रमांक ०७१२९ आदिलाबाद ते दादर ही विशेष रेल्वे आदिलाबाद येथून शुक्रवारी दि.५ डिसेंबर सकाळी ७ वाजता सुटेल आणि किनवट, हिमायत नगर, भोकर, मुदखेड, नांदेड, पूर्णा, परभणी, मानवत रोड,सेलू, परतूर, जालना, छत्रपती संभाजीनगर, लासूर, रोटेगाव, नगरसोल, मनमाड, नासिकरोड, इगतपुरी, कल्याणमार्गे दादर येथे शनिवारी सकाळी ३.३० वाजता पोहोचेल. तर रेल्वे क्रमांक ०७१३० दादर ते आदिलाबाद हि विशेष गाडी दादर येथून रविवारी दि.७ डिसेंबर रात्री १.५ वाजता सुटेल आणि कल्याण, इगतपुरी, नासिक रोड, मनमाड, नगरसोल, रोटेगाव, लासूर, छत्रपती संभाजीनगर, जालना, परतूर, सेलू, मानवत रोड, परभणी, पूर्णा, नांदेड, मुदखेड, भोकर, हिमायत नगर, किनवट मार्गे आदिलाबाद येथे सायंकाळी ६.४५ वाजता पोहोचेल. या रेल्वेत १२ जनरल आणि २ एस.एल.आर. असे १४ डब्बे असतील.